На Ивана ѝ го одземаа бебето еден час по породувањето: Знаела што ќе се случи, а причината е шокантна

Исповед на мајка од Данска чие бебе било одземено само еден час по раѓањето.

Новородено девојче е одземено од мајка си само еден час по породувањето во Данска, откако локалните власти ги наведоа тестовите за „родителска подготвеност“ како проблематични. Случајот веќе предизвика меѓународни реакции и политичко мешање.

Само еден час откако се породи, данските власти го одзедоа бебето од мајката Ивана Николин Брунлунд. 18-годишната мајка го изгуби бебето откако ѝ беше даден тест за „родителска подготвеност“ - и покрај новиот закон со кој се забранува употребата на контроверзни психометриски проценки кај лицата од гренландско потекло.

Ивана Николин Брунлунд, родена во градот Нук од родители од Гренланд, поранешна спортистка на националната ракометна репрезентација на Гренланд, ја роди ќерката Авијаја-Луна на 11 август во болница во близина на Копенхаген, каде што живее со своето семејство. Еден час подоцна, властите го дадоа нејзиното бебе на згрижувачко семејство. Младата мајка вели дека ја видела ќерка си само еднаш, еден час, и дека не ѝ било дозволено да ја држи или да ѝ менува пелени.

Тестовите за „родителски капацитет“ (FKU) беа забранети за лица од инуитско потекло претходно оваа година, по години критики од активисти и групи за човекови права кои тврдеа дека станува збор за расистички методи. Законот стапи на сила во мај, па се поставува прашањето зошто Ивана била подложена на таква постапка.

Данската министерка за социјални работи, Софи Хесторп Андерсен, изјави дека е загрижена за случајот и побара објаснување од општината Хоје-Таастроп, која ја донесе одлуката. „Стандардните тестови не треба да се користат во случаи на семејства од гренландско потекло. Законот е јасен“, нагласи министерката.

Протести поради одземање на децата

Случајот предизвика протести во Гренланд, а протестите беа планирани во Нуук, Копенхаген, Рејкјавик и Белфаст. Властите ја информираа Ивана Брунлунд дека бебето ѝ е одземено поради траумата што ја претрпела од нејзиниот очув, кој отслужува затворска казна за сексуално злоставување. И покрај фактот дека е родена во Гренланд од родители од гренландско потекло, општината наводно ѝ рекла дека „не е доволно инуитска“ за да биде предмет на новиот закон.

Ивана Николин Брунлунд е родена во Нуук од родители од Гренланд, но како дете била посвоена од друг пар, исто така од Гренланд. Пред да почне да се школува, семејството се преселило во Данска. Таа вели дека била прогласена за неспособна да биде родител од страна на психолог кој верува дека ќе ја изложи својата ќерка на занемарување поради траума и посттрауматски стрес како резултат на злоупотребата што ја претрпела од страна на нејзиниот татко посвоител.

Посвоителот бил осуден за злоупотреба во 2022 година и моментално е во затвор.

Младата мајка била информирана три недели пред раѓањето дека нејзиното дете ќе биде дадено на згрижувачки родители.