„Ѝ плаќаат за интервјуа, бидејќи им треба скандал“: Милена ја тужи Марија која беше тешко повредена во Дубаи

Во пролетта 2025 година, шокантниот случај на украинската OnlyFans-моделка Марија Ковалчук го привлече вниманието на медиумите ширум светот. 

Таа беше пронајдена во тешка состојба на градилиште на периферијата на Дубаи, со сериозни повреди кои не ѝ дозволија да зборува со месеци.

Во јавноста се појавија гласини дека повредите се резултат на скандалозна „Porta Potty“ забава, познати по контроверзни и понижувачки ситуации. Наводно, ѝ биле скршени раце и нозе, оштетена кичма и пронајдени заби во торбичка, што ја поттикна претпоставката за брутално малтретирање. Некои сведоци, пак, тврдеа дека Марија сама влегла на градилиштето и дека чуварите безуспешно се обиделе да ја спречат.

Додека беше во клиника, мајка ѝ Ана изјави дека ги знае имињата на напаѓачите и дека тие се во кривичниот предмет. Подоцна, Марија проговори за ноќта пред инцидентот. Според неа, била со група млади луѓе од Русија – Александер Мерцалов, Артем Папазов, Александер Лаптински и Милена Долганова. 

Во хотелската соба момчињата почнале да прават „шеги“ и да ја уценуваат, земајќи ѝ лични работи. По бегството, тврди дека била следена и удрена во глава пред да заврши на градилиштето.

Групата со која била Марија ја негираше нејзината верзија, наведувајќи дека никој не ја повредил и дека хотелските снимки покажуваат дека излегла сама.

Милена Долганова, која имала 19 години, изјави дека првпат ја запознала Марија таа вечер, кога таа побарала да ги остави работите во нивната соба бидејќи го пропуштила летот. Според Милена, првата вечер сè било нормално, но следниот ден Марија добила напад на хистерија.

Истрагата сè уште е во тек, а вистината за настаните во Дубаи останува нејасна.