Првремена тетоважа на море?! НЕ, благодарам - последиците може да бидат огромни по вашето здравје

Во последно време, привремените тетоважи стануваат сè попопуларни меѓу децата и тинејџерите, особено во летните месеци. 

На многумина им изгледаат безопасно, но овие тетоважи можат да бидат вистински проблем. Една супспецијалистка по дерматолошка онкологија на својот Инстаграм профил упати силно предупредување до сите родители: привремената тетоважа може да има трајни последици.

„Имајте предвид дека со ваков вид пигментирање на кожата, при секоја примена го доведувате во ризик здравјето на детето или адолесцентот, бидејќи привремената тетоважа содржи парафенилендиамин (PPD)/урсол кој има многу висок потенцијал за предизвикување силни алергиски реакции, односно контактен алергиски дерматитис“ – истакна д-р Ружица Јуракиќ Тончиќ.

Доживотна алергија по само една апликација

Станува збор за хемиски супстанции кои често се користат за засилување на интензитетот на бојата, особено во таканаречените „црни кани“ кои се нанесуваат на кожата за време на туристичката сезона. Меѓутоа, еден привремен украс може да остави трајни последици.

„За жал, кога ќе се појави сензибилизација или алергија, таа останува доживотно и се однесува на сите бои кои содржат парафенилендиамин“ – објаснува докторката.

PPD е познат како еден од најсилните алергени во козметичката индустрија и е еден од најчестите предизвикувачи на професионален контактен дерматитис кај фризерите и другите кои доаѓаат во контакт со бои за коса. 

Додека возрасните можат да ги препознаат и пријават симптомите, детската кожа е многу почувствителна, а реакциите можат да бидат бурни и долготрајни.

Извор: Telegraf.rs