Прв ден на училиште: Како да го олесните и направите поубав животен настан

Моментот што родителите го замислуваат како бајка, а децата го доживуваат како сосема нова реалност. 

Додека малечките зачекоруваат во светот на таблите, книгите и учителката, родителите често прават грешки во обид да им го олеснат или забрзаат тој пат. 

Преголеми очекувања, постојано споредување со другите и преоптоварување со активности можат да создадат повеќе стрес отколку поддршка.

Психологот Сара Ивановиќ објаснува кои се најчестите замки и како да се избегнат.

Преголеми очекувања од првиот ден

Родителите очекуваат детето веднаш да биде организирано, внимателно и успешно во сè. Сепак, важно е да се стави фокус на постепено прилагодување, а не на резултати. Пофалете го трудот, не само успехот.

Споредување со друго дете

Родителите мислат дека споредувањето е мотивирачко, но секое дете има свој ритам на развој. Подобро е да го споредувате со самиот себе – со сопствениот напредок.

Преголема контрола на домашните задачи

Седењето покрај детето и диктирањето на секој чекор ја одзема самостојноста. Поддржете го само кога запнува – така развива одговорност и самодоверба.

Преголем број дополнителни активности

Првата година е време за адаптација – доволни се една или две активности кои детето ги сака. Преоптоварувањето носи повеќе штета отколку корист.

Негативен говор за училиштето или учителката

Вашиот став влијае врз детето – градете позитивна слика за училиштето.

Нередовен сон и оброци

Касното легнување и нередовните оброци влијаат на адаптацијата. Потребни се 9–10 часа сон и редовна исхрана.

Материјални награди за секое постигнување

Наместо играчки или подароци, пофалете го, поминете време со него и нагласете го чувството на гордост.

Игнорирање на емоциите

Не ги потценувајте стравот или тремата. Прашувајте како се чувствува и споделете сопствени искуства.

Извор: ona.rs