Најдобра бесплатна влезница која ќе ја добиете во животот е можност да волонтирате

Во време кога дипломите се множат, а практичното искуство станува најбараната „валута“ на пазарот на труд, волонтирањето полека се претвора во најпаметниот и најбрзиот пат до вистинско вработување. 

Иако кај нас сè уште често се смета за „работа без пари“, реалноста е поинаква – тоа е првиот чекор кон кариера и професионална зрелост.

Истражувањата на Harvard Business Review покажуваат дека луѓето кои волонтираат имаат поголемо самодоверба, посилно чувство за цел и полесно ги прифаќаат професионалните предизвици. 

Компаниите што поддржуваат волонтерски програми имаат подобро задржување на таленти, а кандидатите со волонтерско искуство често имаат предност при вработување.

Во Македонија и пошироко на Балканот, волонтирањето сè уште не се гледа како сериозен кариерен чекор. Многумина го поврзуваат со добротворност, а не со професионален развој. Но, во светот, тоа е признат начин за стекнување искуство, развој на меки вештини и градење на контакти кои често водат до трајна работа.

Според OECD, младите кои волонтирале во тинејџерски години имаат подобри примања и поголемо задоволство од работата во зрелоста. Волонтирањето е, суштински, „пробен период што не може да се падне“ – затоа што преку него послодавците го гледаат вашиот карактер, иницијатива и одговорност во реална средина.

Едноставно кажано – волонтирањето не е работа без плата, туку инвестиција со највисок поврат: искуство, контакти и шанса за иднината.

Извор: Телеграф / Freepik