Клучните зборови што секој родител треба да му ги каже на тинејџер по развод

Разводот никогаш не е лесен, а кога во приказната се вклучени и тинејџери, емоциите и предизвиците стануваат уште посложени. 

Тинејџерските години и онака се период на интензивни промени, а разводот може дополнително да го зголеми чувството на несигурност, лутина или збунетост.

Психолозите објаснуваат дека најважно во вакви ситуации е отворената комуникација. Родителите треба да бидат искрени со децата, но и внимателни — не е нивна улога да бидат посредници во брачниот конфликт, ниту „судија“ меѓу мајката и таткото. 

Многу е важно да не се зборува лошо за другиот родител пред детето, бидејќи тоа создава внатрешна лојалност и чувство на вина.

Тинејџерите во вакви моменти имаат потреба од стабилност и предвидливост. Пожелно е распоредот на средби, школските обврски и секојдневието да останат што е можно поконзистентни, за да не се наруши чувството на сигурност.

Исто така, родителите не треба да се натпреваруваат кој повеќе ќе „угоди“ на детето. Наместо тоа, треба да се постават како тим — иако веќе не се во брак — со јасна порака дека љубовта кон детето не се менува.

Ако тинејџерот покажува повлеченост, лутина или отпор, важно е да му се даде простор, но и поддршка. Разговор со психолог или училишен педагог може многу да помогне.

Најголемата улога на родителите во оваа фаза е да обезбедат љубов, стабилност и сигурност, дури и кога семејството има нова форма. Разводот не мора да значи распад — туку нов почеток со повеќе зрелост и почит.