Итно се повлекуваат од пазарот: Овие играчки им се омилени на многу дечиња, но не се безбедни

Системот RAPEX за брза размена на информации за небезбедни производи што се пласираат на единствениот пазар на ЕУ издаде предупредување за неисправна детска играчка и за нејзино повлекување од продажба.

Како што се наведува во известувањето, станува збор за електронска плишана играчка во розова и сина боја (лик од цртаниот филм Lilo & Stitch) со симулирано дишење.

 Опфатени се сите сериски броеви. Производот се продава онлајн, особено преку сајтовите magicpets.fr и Amazon.

Производот претставува ризик бидејќи влакнестиот материјал со кој е наполнета играчката е лесно достапен поради слаба изработка на шавовите околу батеријата.

 Мало дете може да го стави материјалот за полнење во уста и да се задуши.

Поради тоа, производот не е во согласност со барањата на Директивата за безбедност на играчки ниту со европскиот стандард EN 71-1.

Податоци за производот:

Производ: Плишана електронска играчка за деца

Земја на потекло: НР Кина

Извор