Баба и дедо дознале од полицијата дека имаат внук: Даниел исчезнал пред 4 години, тие дури не знаеле дека постои
Бабата и дедото доживеале шок кога полицијата ги известила дека нивниот внук е исчезнат, а тој шок бил уште поголем бидејќи тие дури и не знаеле дека имаат внук.
Кога инспекторите од ирското Министерство за социјална заштита затропале на вратата на бабата и дедото на 28 август, тие немале поим дека имаат внук. Родителите на Марија Аруебоса биле во целосен шок кога дознале дека нивната ќерка има син, Даниел, кој исчезнал пред повеќе од четири години.
На почетокот на септември, по 16 дена потрага, полицијата ги пронашла делумните остатоци од детето во грмушките во округот Даблин. Сепак, наодите од обдукцијата, ДНК тестот и токсиколошките анализи не дале јасна причина за смртта.
Родителите, Марија Аруебосе и Киран Дурен, рекоа дека нивниот син починал во сон во јули 2021 година, кога имал само три години. Како што рекоа, „во паника“ го ставиле во вреќа и го закопале три километри подалеку во плиток гроб, наместо да ги известат властите.Тие дури и не знаеле дека имаат внук
Бабата и дедото на Даниел првпат ја виделе неговата фотографија на вестите. Извор близок до семејството рекол: „Таа готвеше и чистеше кога полицијата затропа. Ја прашаа дали Марија има дете. Таа рече дека нема. Кога ѝ кажаа дека има момче, таа праша дали е грешка.“
Семејството беше скршено кога сфати дека изгубиле внук кого никогаш не го запознале. Велат дека со задоволство би го прифатиле, доколку знаеле дека Марија не може сама да го одледа.
Даниел е роден на 12 декември 2017 година во Даблин. Неговите родители потоа живееле во заеднички сместувачки капацитет, па го дале на посвојување. Следната година и пол, тој бил во згрижувачко семејство и, според згрижувачката сестра, тој бил „најслаткото бебе“ кое брзо се вклопило и станало дел од семејството. Таа опишала: „Тој сакаше да си игра, да се смее и постојано покажуваше дека разбира што му кажуваме“.
Во 2019 година, Марија побарала детето да ѝ биде вратено, откако се преселила во стан во Донабет. Властите го одобриле тоа и Даниел бил повторно соединет со своите родители.
Сепак, две години подоцна неговиот живот бил трагично прекинат. Според приказната на родителите, Марија една ноќ станала да оди во тоалет и го нашла својот син „замрзнат“ во кревет. Тие се обиделе да го оживеат во када со вода, но без успех.
Контрадикции и неодговорени прашања
Сепак, приказната на родителите има пукнатини. Во истата година кога детето наводно починало, Марија објавила оглас во кој барала дадилка „една недела додека таа и нејзиниот партнер се на одмор“. Огласот бил објавен на ирскиот портал suresitter.com, со надомест од 600 евра и услов лицето да има возачка дозвола и полициска проверка на минатото.
Тоа дополнително ја продлабочува мистеријата дали Даниел воопшто бил жив во тоа време и што всушност се случило таа ноќ во јули 2021 година.
Властите потврдија дека Тусла, службата за грижа за деца, имала повеќе од 60 контакти со семејството пред 2020 година, вклучувајќи и ненајавени посети. Сепак, кога помошта беше суспендирана, детето набрзо исчезна од системот како никогаш да не постоел.
Денес, четири години по неговата смрт и две недели откако беа пронајдени неговите останки, јавноста сè уште не знае што навистина се случило со малиот Даниел. Неговото семејство и згрижувачките родители беа скршени, особено неговите баба и дедо кои дури и не знаеја дека постои, а потоа кога сфатија дека го изгубиле засекогаш.
Фото: Инстаграм
Извор: Yumama.mondo.rs
