„Инстаграм против реалноста“: Зошто младите се уморни од „совршените“ животи на интернет?

Додека скроламе низ Инстаграм, ТикТок или други платформи, често ни изгледа како сите да живеат совршено – патуваат, јадат здраво, тренираат секој ден, се смеат со совршено друштво и изгледаат беспрекорно. Но, што се случува зад тие филтри?

Многу млади денес признаваат дека чувствуваат притисок да се претстават подобро отколку што се чувствуваат во реалноста. Студиите покажуваат дека ова води до појава на „инстаграм замор“ – губење мотивација, споредување со другите и појава на анксиозност поради „недоволно добар живот“.

Психолозите велат дека оваа култура на совршенство создава илузија – ретко кој споделува денови кога е тажен, без инспирација или само сака да остане дома. Но токму тие денови се реални и човечки.

Сè повеќе млади почнуваат да ги следат профили што промовираат реалност, искреност и ранливост. Хаштагот #InstagramVsReality станува популарен начин да се покаже контрастот меѓу филтрите и вистинскиот живот.

Можеби е време да се прашаме – дали сакаме да бидеме „онлајн совршени“ или „реално свои“?

Freepik