ЕДИНСТВЕНО МЕСТО КАДЕ ШТО АКО ПРОНАЈДЕТЕ ДИЈАМАНТ МОЖЕТЕ ДА ГО ЗАДРЖИТЕ: Никаде на друго место тоа не е дозволено

Њујорчанката Мишер Фокс (31) пронашла дијамант од 2,3 карати во американскиот државен парк „Кратер на дијаманти“ во сојузната држава Арканзас, по што го искористила како веренички прстен.

Таа поминала неколку недели во потрага по драгоцени камења во единствениот јавен рудник на дијаманти во светот, а среќата ѝ се насмевнала токму последниот ден од престојот.

Трет по големина дијамант

„Никогаш порано немав држено вистински дијамант во рака, па не бев сигурна, но тоа беше нај-дијамантскиот дијамант што сум го видела“, изјавила Фокс.

Според надлежните, дијамантот што го пронашла е трет по големина од вкупно 366 откриени во паркот оваа година.

Единствен парк во светот

Паркот „Кратер на дијаманти“ се простира на 37 хектари еродиран вулкански кратер во близина на градот Марфисборо. Тој е единствен во светот бидејќи посетителите можат да задржат секој камен или минерал што ќе го најдат.

Дозволено е и користење сопствен алат за копање, но без електрични или моторизирани машини.

Од 1906 година, кога таму биле откриени првите дијаманти, пронајдени се над 75.000 парчиња. Најголемиот некогаш ископан има 40,23 карати и е познат под името „Чичко Сем“.

Извор