Дали знаете колку години всушност има омилениот лик од цртаните - Снупи?

Дали знаете колку години всушност има омилениот лик од цртаните - Снупи?

Светот го прославува роденденот на Снупи, славното куче од расата бигл кое во 1950 година дебитираше како главен лик во стрипот „Пинатс“ (Кикирики) на Чарлс М. Шулц.

 Снупи е миленикот на сопственикот Чарли Браун и е прикажан како вечно гладно и креативно куче склоно кон филозофирање и хедонистички уживања.

Снупи е лојален и добронамерен бигл кој си замислува дека е писател, студент Џо Кул, адвокат и пилот од Првата светска војна.

Можеби е најпознат токму во оваа последна улога, кога носи пилотска кацига, очила, шал и стап, имитирајќи британски офицер од Првата и Втората светска војна.

Снупи е опседнат со колачиња со чоколадни трошки и воопшто обожава храна на база на чоколадо, која наводно за него не е отровна. Во реалноста, чоколадото е строго забрането за кучињата.

Во 1951 година роденденот на Снупи бил прославен на 28 август, но во 1968 година за официјален датум на раѓање на славното куче е определен 10 август. Во 2025 година се одбележува 75-годишнината од најсимпатичното куче на светот – биглот Снупи.

Извор / Wikipedia/ Pinterest 

Можеби ќе ве интересира: