Страшно искуство во апартман во Грција – поука за сите: Заразата може да стигне и во вашиот дом, еве го решението

Еден пар од Србија неодамна сподели на Фејсбук непријатно искуство од летувањето во Грција, кога за време на престојот во апартманот биле изгризани од стеници.

Убодите од овие инсекти обично се појавуваат како црвени плускавци кои силно чешаат, често групирани или наредени во линија на кожата. Кај некои луѓе реакцијата е изразена, додека кај други може да биде речиси незабележлива.

Како да се ублажат тегобите?

Симптомите може да се ублажат со миење на местото со сапун и вода, нанесување крема против чешање и, по потреба, земање антихистаминици. Во потешки случаи, како анафилактична реакција, неопходна е итна медицинска помош.

За превенција, пред спиење проверете ја просторијата: крвави точки на постелнина, темни траги од измет или присуство на големи инсекти во шавовите на душеци и пукнатини во мебелот се најчести показатели.

Митот за сода бикарбоната

Меѓу домашните совети често се спомнува сода бикарбона, но експертите предупредуваат дека тоа е неефикасно решение. Таа може да апсорбира влага и да се залепи за телото на инсектот, но не ги дехидрира и не ги убива. 

„Стениците брзо се размножуваат, а неефикасните методи само ја влошуваат состојбата,“ објаснува научникот Семи Ванг. Наместо тоа, се препорачува професионална дезинсекција.