Само една работа е важна доколку сакате да ја зголемите вашата физичка активност

Колку пати сте ја слушнале изреката: „Ништо добро не се случува после полноќ“? И колку пати токму тогаш сте имале најлудо доживување – непромислена прошетка низ град на зори или афтер што се претворил во приказна за паметење?

Но… науката овој пат вели свое – и тоа во корист на сите ранобудници.

Порано спиење = Повеќе енергија = Повеќе движење

Во голема студија со 20.000 возрасни лица, истражувачите ги следеле нивните навики за спиење и физичка активност – не преку досадни анкети, туку со паметни био-нараквици кои регистрирале скоро 6 милиони ноќи.

Резултатот? Тие што легнувале околу 21 час имале половина час повеќе физичка активност следниот ден во споредба со оние што легнувале во 1 часот по полноќ. Дури и во споредба со оние што легнувале во 23 часот, „раните спијачи“ биле активни во просек 15 минути повеќе дневно.

Научниците забележале и дека „ноќните птици“ стануваат поактивни штом се обидат да легнуваат порано. Значи, не е до тоа дека не сакаат да вежбаат – едноставно им недостига време и енергија.

Freepik