Ова е официјално најздравиот појадок на светот: Лесно се приготвува, а вкусот ќе ве воодушеви

Појадокот е најважниот оброк во денот, но често го прескокнуваме поради брзање или се одлучуваме за нездрава опција. 

Сепак, постои едноставен и вкусен појадок кој не само што помага во слабеење, туку и го зајакнува имунитетот и обезбедува енергија за целиот ден.

Белградската нутриционистка д-р Ана Јовановиќ советува:

„Овесните снегулки се богати со растителни влакна кои го забавуваат варењето и го продолжуваат чувството на ситост. Со додавање на здрави масти и протеини, добиваме целосен оброк.“

Состојки за совршен појадок:

• 3 лажици интегрални овесни снегулки

• 1 мала лажичка чиа семе или мелено ленено семе

• 150 мл растително млеко или јогурт

• 1 мала лажичка мед или јаворов сируп

• Свежо овошје по избор (банана, боровинки, јагоди)

• Прстофат јаткасти плодови (ореви, бадеми)

Подготовка:

Измешајте ги сите состојки во стаклена тегла или чинија и оставете ги во фрижидер преку ноќ. Наутро добивате хранлив и освежувачки појадок, подготвен за носење на работа или за уживање дома.

Зошто овој појадок е идеален?

Влакната од овесот и семињата го забавуваат варењето, го намалуваат апетитот и помагаат во контролирање на телесната тежина. 

Здравите масти од јаткастите плодови и медот го поддржуваат функционирањето на мозокот и имунитетот. Појадокот е богат со витамини и минерали, што го зајакнува целото тело.

Совети за најдобар ефект:

• Користете интегрални, необработени снегулки.

• Наместо шеќер, одберете домашен мед.

• Додадете малку цимет за забрзување на метаболизмот.

• Сменете го овошјето според сезоната – на пазарите низ Македонија лесно ќе најдете свежи и достапни опции.

Извор: Еспресо