Не мораш да се вклопиш треба да се пронајдеш: Како да останеш свој во време која владеат репликатите

Живееме во време кога сите сакаат да изгледаат совршено. На Инстаграм секој има насмевка без причина, на TikTok сите изгледаат сигурни, забавни и среќни. 

Но никој не зборува за моментите кога се чувствуваш изгубено, кога не знаеш кој си или што сакаш.

 И тоа е во ред.

Тинејџерството не е трка по совршенство, туку време кога учиш кој си без филтри и маски.

Не мораш да се вклопиш – треба да се пронајдеш

Сите велат дека овие години се „најубавите во животот“. Но понекогаш тие се најзбунувачките. Сакаш да припаѓаш, а сепак сакаш да бидеш свој. Проблемот е што кога премногу се трудиш да се вклопиш, забораваш кој си.
Вистинските пријатели ќе те прифатат и кога си чуден, и кога си тивок, и кога не мислиш како сите.

Грешките не се крајот на светот

Сите грешат. Дури и оние кои изгледаат како да го имаат животот под контрола.

Неуспехот на тестот, скршеното срце, изгубеното пријателство – тоа не значи дека не вредиш, туку дека растеш.

Не се плаши од грешките, плаши се ако останеш ист.

Мисли со своја глава

Ќе слушаш совети од сите страни – родители, наставници, инфлуенсери, пријатели. Некои ќе бидат корисни, некои не. Но најважниот глас што треба да го слушаш е твојот внатрешен глас.

Тој знае што те радува, што те смирува, што ти дава смисла. Верувај му повеќе.

Биди човек, не тренд

Љубезноста никогаш нема да излезе од мода.

Во време кога сите се натпреваруваат кој е популарен, кој има повеќе лајкови или следбеници, биди некој што носи мир, а не бучава.

Тинејџерите кои денес учат да бидат добри луѓе – утре ќе бидат генерација која ќе го смени светот.

Фото извор: Freepik