Како да му помогнете на депресивен пријател? 6 прашања што можете да му ги поставите

Тешко е да се биде во ситуација каде што твојот пријател има депресија, а ти не знаеш како да му помогнеш. Иако нема точен одговор за секоја ситуација, постојат прашања што треба да му ги поставиш и да му покажеш дека си тука за него.

Кога вашиот близок има депресија, се чувствувате беспомошно сè додека не преземе нешто во врска со тоа. Тоа е многу тешка ситуација и иако сакате да помогнете, не знаете како. Постојат неколку видови депресија кои носат со себе разни последици и секако не сакате да го видите вашиот пријател како поминува низ нив. Постојат 6 прашања што можете да им ги поставите за да ви помогнат и двајцата да разберете каква е ситуацијата и како да ја подобрите, но запомнете дека на крајот на краиштата тоа е нивна одлука.

1. Каков е вашиот апетит?

Поголемиот дел од вашиот серотонин, хормонот што ве прави да се чувствувате среќни, е во вашите црева, па затоа прво можете да проверите дали проблемот започнал како проблем со варењето. Нездравата храна може да има негативно влијание врз менталното здравје, не само врз физичкото.

2. Дали неодамна сте биле на преглед?

Депресијата може да биде резултат на различни физички здравствени проблеми. Одењето на систематски преглед потенцијално може да укаже на причината зошто вашиот пријател се чувствува вака.

3. Што се случува во вашиот живот во последно време?

Можно е депресијата да е предизвикана од нешто што се случило во неговиот живот. Ако поминува низ тежок период, тоа може да биде многу обесхрабрувачко.

4. Што мислите дека е причината зошто сега се чувствувате лошо?

Можеби вашиот пријател сè уште потсвесно се бори со нешто емоционално од минатото. Иако самиот не е свесен за тоа, можете да се обидете да откриете за што станува збор преку разговор.

5. Дали сакате да разговарате? Тука сум да ве слушам.

Барањето причина е добар почеток, но честопати на човекот му треба само некој со кого ќе разговара и кој ќе ве слуша. Важно е да бидете присутни, дури и ако не се подготвени да разговараат, да бидете со нив за да им дадете чувство на сигурност. Бидете внимателни кон она што го сакаат и им треба во тој момент, понекогаш не сакаат да слушаат совет, само сакаат да знаат дека ги разбирате.

6. Дали сте спремни да добиете помош?

Ако кажат дека се спремни да побараат помош, разговарајте со професионалци и други служби за ментално здравје за совет за тоа што да прават понатаму.

Фото: Freepik.com
Извор: Teen385.dnevnik.hr