Момче (4) ја однесе својата сестра (2) во градинка, причината ќе ве распалаче: Никој не е рамнодушен кон ваков вид љубов

Едно момче ја однело својата двегодишна сестра во градинка, а на сите им солзат очите поради причината за тоа...

Стефани ДеРос отворено проговори за еден посебен момент меѓу нејзините деца за кој се надева дека ќе го паметат засекогаш.

ДеРос, 30, го забележа трогателниот момент кога нејзиниот син Даниел, 4, реши да ја однесе својата помлада сестра Софија, 2, на „презентација и раскажување“ во нивната градинка во сега вирално видео објавено на TikTok.

Братот и сестрата седеа во училницата на Даниел пред неговите другарчиња додека тој одговараше на прашања од своите врсници и ја прегрнуваше сестра си.

Мајката на двете деца за „Пипл“ изјави дека Даниел прво прашал дали може да ја однесе Софија на училиште на „шоу и раскажување“ откако во ноември добиле задача да „донесат нешто за кое се благодарни“.

„Без никакво поттикнување, тој ми рече: „Дали мислиш дека би можела да ја однесам Софи?“ Секако, срцето ми се стопи и веднаш се расплакав!“, споделува ДеРос. „Му пратив порака на неговата наставничка за да побарам дозвола, речиси сигурна дека нема да ми биде одобрена, но бев пријатно изненадена кога таа се согласи. И тој беше пресреќен.“

Посебна врска

ДеРос вели дека врската меѓу нејзините деца е посебна.

„Тие отсекогаш биле многу нежни еден кон друг, со повремени конфликти“, додава таа. „Мојот син сака да биде нејзин заштитник и се обидува да ја брани секогаш кога може.“

„Тие не можат да поднесат да бидат разделени, па затоа градинката беше прилагодување за двајцата“, продолжува таа. „Некои денови Софија се вознемирува кога оди во градинка затоа што знае дека тој нема да биде таму.“

Емотивен момент

ДеРос остана за „шоуто и раскажувањето“ на Даниел и признава дека „плачела цело време додека ги снимала.“

„Знаев дека ова е посебен момент што се надевам дека ќе го памети засекогаш, а исто така и посебен момент за мене како мајка“, вели таа. „Бев исполнета со благодарност знаејќи колку се сакаат.“

Тој сподели дека тој и Софија сакаат да си играат со автомобили, дека омиленото јадење на Софија е јогурт и дека „двајцата сакаат да спијат во креветот на мама!“

„Децата не можеа доволно брзо да ги кренат рацете за да поставуваат прашања“, додава ДеРосова.

Популарно видео

Мајката вели дека никогаш не очекувала видеото на нејзиното дете да стане толку популарно.

„Бев толку изненадена! Бев среќна што можев да го споделам овој трогателен момент со остатокот од светот“, рече таа.

„Знаејќи колку луѓе уживаа во гледањето на видеото и слушајќи ги приказните на други кои имале сопствено искуство да ги доведат во часот на нивните браќа и сестри, ми го разубави денот!“