Како секогаш да имате најдобри оценки? Ви носиме 6 начини за учење со кои може да добиете петки

Сите сме биле во ситуација каде доцна навечер сме останувале за да научиме лекции за утрешниот испит или тест. Но дали учењето ден пред тест е навистина практичен метод на учење? Науката вели поинаку. Ако навистина сакате времето поминато во учење да ви се исплати, време е да ги замените пасивните навики со стратегии што навистина функционираат.

Еден студент кој бил под „академски стрес“ направил истражување за тоа кој е најдобриот начин на учење. Истражувал методи за учење, ги испробувал советите од професорите, па дури и некои „вирални“ трикови од социјалните мрежи, за да откријам што навистина функционира.

Кои се методите на учење што навистина даваат резултати?

Ова е стратегијата што целосно ми го промени начинот на учење. Наместо повторно читање, се тестирате себеси без да гледате во одговорите. Тоа може да значи решавање практични прашања, запишување сè што паметите за одредена тема или користење картички со прашања.

Изгледа потешко од пасивното учење, но токму таа „борба“ е причината зошто функционира. Кога мозокот мора сам да ја извлече информацијата, меморијата се зајакнува и полесно се присетувате на испит.

1.Активно присетување (Active Recall)

Ова е стратегијата што целосно ми го промени начинот на учење. Наместо повторно читање, се тестирате себеси без да гледате во одговорите. Тоа може да значи решавање практични прашања, запишување сè што паметите за одредена тема или користење картички со прашања.

Изгледа потешко од пасивното учење, но токму таа „борба“ е причината зошто функционира. Кога мозокот мора сам да ја извлече информацијата, меморијата се зајакнува и полесно се присетувате на испит.

2.Учење со паузи (Spaced Repetition)

Учењето набрзина вечерта пред тест може да делува продуктивно, но најчесто резултира со брзо заборавање. Овој метод го решава тоа така што материјалот се повторува во кратки интервали, распоредени низ повеќе денови.

Кога истата информација ја гледате повеќепати, со паузи помеѓу, мозокот ја складира долгорочно, наместо да ја „избрише“ по испитот.

3.Фејнман техника

Овој метод ми стана омилен откако го видов насекаде. Идејата е едноставна: објаснете го концептот со наједноставен јазик, како да му го предавате на некој друг.

Кога ќе заглавите или ќе се збуни објаснувањето, веднаш знаете што не ви е јасно и што треба повторно да го научите. Јас сум му објаснувал лекции на ѕидот, на кучето, па дури и на телефонот. Малку е чудно, но од „мислам дека го разбирам“ прави вистинско разбирање.

Овој метод е одличен кога ве преплавува голема количина информации. Наместо да учите сè одеднаш, поделете го материјалот на помали, полесно совладливи делови.

Особено добро функционира за вокабулар, формули и временски линии. Кога учев „по делови“, полесно се концентрирав и учењето не ми делуваше толку застрашувачки.

5.3-2-1 присетување

Кај овој метод, материјалот се чита трипати за запознавање со темата. Потоа се обидувате двапати да ги повикате клучните поенти од меморија – на глас или во краток запис. На крај, без да гледате, еднаш го запишувате целиот материјал за да се осигурите дека останал во меморијата.

6. Blurting

Оваа техника е слична на активното присетување, но е побрза. Кратко ја учите темата, ги затворате белешките и на празен лист запишувате сè што паметите. Потоа проверувате што сте пропуштиле и го повторувате процесот. Јас ја користам пред тестови – ми покажува точно каде ми треба повеќе внимание.

Многу е важно додека учите да внимавате на неколку работи. Учењето нема да функционира ако сте уморни и исцрпени. Паузите, тргањето на телефонот на страна и доволниот сон прават учењето да биде полесно и многу помалку стресно. Паметното учење не значи да најдете еден совршен метод. Значи да експериментирате додека не откриете што функционира за вас.

Извор: TheTeenMagazine.com

Фото: Pexels