Хигиена во пубертет: колку е премногу, а колку е доволно?

Прашањето колку често треба да се капаат тинејџерите предизвикува дебата во многу семејства. 

Додека некои родители бараат секојдневна хигиена, други сметаат дека честото туширање може да и наштети на кожата. Стручњаците велат дека вистината е – некаде на средина.

Според дерматолозите, тинејџерите треба да се капат од три до пет пати неделно, зависно од нивниот животен стил, физичка активност и тип на кожа. 

Пубертетот носи хормонални промени кои го зголемуваат лачењето на себум – природната маснотија на кожата, па затоа е потребна редовна нега за да се спречи појава на акни и непријатен мирис.

Сепак, секојдневното туширање со агресивни сапуни може да ја исуши кожата и да ја наруши нејзината природна заштитна бариера. Затоа лекарите препорачуваат благи, хипоалергени средства, без алкохол и силни мириси.

Ако тинејџерот активно спортува или се поти повеќе, потребно е капење по секој тренинг – особено за да се избегнат бактериски и габични инфекции. 

Но, во деновите кога нема физичка активност, брзо освежување со млака вода и чиста облека е доволно.

Важно е да се нагласи дека чистотата не значи прекумерна употреба на производи. Прекумерното капење, особено со жешка вода, може да ја иритира кожата и да предизвика првут, црвенило или чешање.

Заклучокот на дерматолозите е едноставен – умереноста е клучна. Редовна хигиена, но без претерување, здрава кожа и навика која ќе го следи тинејџерот и во зрелоста.